العالم الأفتراضى

ما هو VPN

موضوع شامل حول الVPN و تعريفه

فى البداية هنتكلم عن ما هو VPN

كلمة VPN هو اختصار ل 3 كلمات هما Virtual Private Network بمعنى الشبكة الافتراضية الآمنة

مبدئيا كدة خلينا نتكلم عن “ما هو ال VPN”

باختصار الVPN دا بروتوكول (نظام) لنقل البيانات الخاصة و السرية فى الشبكات العامة اللى هو الإنترنت

ما هو VPN
ما هو VPN

ازاى يعنى بص يا سيدى.. البيانات بالغة السرية زي بيانات دخولك لحسابك البنكي
أو استخدام كروت الفيزا أو حتى تسجيل دخولك على الفيس بتمر بكذا نقطة
ممكن تتعرض فيهم للاختراق من قبل الهاكرز

زي ال DNS Server مثلا أو سيرفرات الميكروتيك اللى بيمنع سرقة بياناتك دى
و تحويلها لبنوك سويسرا هو استخدام الحاجات دى كلها لنظام ال VPN 

ما هو VPN

 بص يا باشا.. ال VPN دا معناه نقل البيانات بطريقة مشفرة بحيث إن سرقتها تبقى شِبه مستحيلة..
عارف انت الكهربا لما بينقلوها مسافات بعيدة فى كابلات الضغط العالى فى صورة
غير اللى انت بتستخدمها فى بيتك  و بعدين لما توصل محول الكهربا اللى انت بتاخد منه
يديهالك كهربا تشغل أجهزتك ؟! علشان ميجيش واحد ناصح يروح سارق الكهربا أهو
دا يعتبر نفس النظام بالظبط بس مع اختلاف التشفير طبعاً

طيب ندى النبذة التاريخية .. و اللى اتأخرت عنا شوية هى إن ال VPN دا بيستخدم
فى حاجات كتيييييييرة جداً، و من زمان مش حاجة جديده يعنى لك أن تتخيل انه موجود من
أيام الإنترنت اللى على سلك التليفون و كروت الفاكس اللى هو يعتبر اول ما بدأ ظهور الانترنت
لكن فى الفترة دى كان البروتوكول دا بيستخدم فى الشركات الكبيرة و البنوك و ماكينات الATM
مش ليك كمستخدم و ده علشان يحافظ على سرية البيانات اللى بتتنقل بين الأجهزة
و يقلل فرص اختراقها، دلوقتى زي ما قولت..

ملعومات اكثر عن VPN

لكن فى الوقت الحالى يعتبر الVPN بيستخدم فى نقل كل حاجة تقريباً واحد ممكن يسأل … هستخدم انا الكلام الكبير دا ازاى على المستوى الشخصي بتاعى هقدر اخلي محدش يقدر يسمعني وانا بكلم اى شخص في التليفون بليل مثلاً اذا هقدر اقولك ان سرية و تشفير ال VPN بتسمح لك إنك تغير أي حاجة من البيانات اللى بتبعتها للسيرفر اللى بيقدم لك الخدمة أيا كانت الخدمة و أيا كانت البيانات دى مثال على كدة انك ممكن تستخدم أي تطبيق VPN موجود على البلاي ستور علشان تبعت بيانات مكانك بمكان غير اللى انت فيه أصلاً لأي تطبيق خرايط، و دا بيتم عن طريق منع السيرفر اللى انت شابك معاه من الوصول لمكانك الأساسى انت متخيل ؟

فالأبلكيشن دا  بيبعت إحداثيات و بيانات الموقع بتوعك فى مكان تانى خالص غير اللى انت فيه تمام و ممكن ميديش بيانات عن مكانك أصلا، فيقوم السيرفر دا يعتبرك داخل من مكان Default او مكان غريب بالنسبة له اللى هو أكيد مش المكان اللى انت قاعد فيه و بالتالي بتحافظ على سرية مكانك علشان لو واحد هاكر قد الدنيا كدا مش عاوز يتعرف مكانه ميتفضحش بالساهل فهيقوم بأستخدام VPN

الاستفادة من الموضوع دا حاليا هو إن الناس بيفتحوا الماركت الأمريكي باستخدام الأبلكيشنز دى واللي احنا المفروض نعمله لو شركات الإتصالات في مصر هنا منعت الvoip انت كمان ممكن تجرب موضوع ال VPN دا و تلاحظ ان مفيش فرق بينه و بين الأستخدام العادى لكن احب اقولو ان الفرق بينه و بين الأستخدام العادى كبير جدا بس انت مش ملاخظه انت كمان تقدر من خلاله انك تكلم اى حد عايش فى دول بره من غير ما تدفع اى مبالغ ماليه انت متخيل ؟

اذا فى النهاية اتمنى انكم تكونو استفدتو من الموضوع و لو حد عنده اى استفسار يسيب التعليق بتاعه .

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق