العالم الأفتراضى

معلومات مهمه عن الفلاشات : Safely Remove Flash Memory

معلومات مهمه عن الفلاشات

أكيد فى مره  سمعت في يوم من الأيام من صاحبك اللي بيقعد ع النت كتير ده
و مبيسيبوش أنك لازم متشيلش الفلاشة علي طول من الكمبيوتر  ولازم تعمل

لها Eject قبل ما تخرجها من الجهاز علشان الملفات اللي عليها ميحصللهاش
حاجة صح ولا لأ او اكيد انت بردو ممكن تكون عارف معلومات مهمه عن الفلاشات ..

معلومات مهمه عن الفلاشات
معلومات مهمه عن الفلاشات

طيب بنسبه كبيرة بقي أنك بتريَحُه و بتاخدو على اد عقله وبتضرب بكلامه
عرض الحائط ولما بتخلص أستخدام الفلاشة بتروح ساحبها من الجِهاز غصب

وأقتدار زي باقي الشعب المصري ما بيعمل صح كدا ولا ايه ؟
طيب .. هل الموضوع ده بيسبب مشاكل للفلاشة أو الكمبيوتر ولا كله كلام فاضى ؟

معلومات مهمه عن الفلاشات

بالنسبة لأستخدامك لأي جهاز تخزين خارجي سواء بقى كان هارد
أو حتى فلاشة فالأفضل إنك متفصلهوش عن الجهاز كده مرَة واحدة من
غير ما تعمل له إزالة بأمان علشان تحمي بياناتك من أنها تتعرض للضياع
بسبب حركة بسيطة منك و علشان انت مستعجل عاوز تشيل الفلاشه و تخلص او تخرج ..

لكن بقى كلامنا ده ممكن نغلطه فى حاله واحده بس و هى ان يكون بيستعمل
برنامج بيقرأ – بيقرأ بس ومبيكتبش – حاجة من علي الـ USB يعنى مش بينقل
حاجة انت مثلا كنت فاتح الفلاشة بتتفرح على فيلم و بعد ما خلصت روحت ساحبها
من الجهاز في الحالة دي مش هيحصل حاجة و متقلقش على الفلاشه ولا البيانات

بتاعتك اللى عليها لأن البرنامج كان بيقرأ بس ( Read only ) مش في حالة كتابة ( Write )
.. لكن في الوقت نفسه البرنامج اللي بيقرأ بيانات من علي الفلاشة  كمثال إنك مشغّل
فيلم من علي فلاشة ببرنامج ميديا بلاير – فالبرنامج ده هيبقي مُعرَض لأنه يهنَج لوحده
أو الجهاز كله يهنج لكن في حالة إنك كُنت بتنقل أي ملفات علي الفلاشة وفصلتها فكده
لازم تعرف إنك بتعرّض بياناتك دي للتلف و ممكن تخسرها فى مره من المرات وده
لأن الكمبيوتر بيستخدم حاجة أسمها ( Write Caching ) علشنا يشتغل بسلاسة

ومن غيرما يكون فيه أي تهنيج .. ودي عن طريق أنك لمّا بتعمل نسخ لملف معين
من الكمبيوتر للـ USB المتوصلة بالجهاز والجهاز يديك رسالة إن عملية النقل تَمت
في أغلب الأوقات بيكون لسّه منقلش الملف ده للفلاشة طب تحب تعرف ليه بيعمل كدا ؟

ميزة المحافظة على الفلاشة من التلف

الكمبيوتر بيعمل كده علشان ميضيَعش وقت ويحمل ع البروسيسور بجانب أستخدامك
العادي فبيخزن البيانات اللي أنتا عاوز تنقلها للفلاشة علي ذاكرة التخزين المؤقتة اللي
هيا أسمها Cache بالأنجليزي وبيستني لغاية ما يبقي عنده شوية أوامر أو بيانات
يكتبها ع الفلاشة ويروح قايم بيها مرَة واحدة وغالباً الحوار ده مبيحصلش غير

في الملفات الصغيرة مش الكبيرة طبعااا وعامتا الميزة دي الشركة بتكون قافلاها
أفتراضياً لأنها عارفة إن المستخدمين مبيهتموش بحاجة زي دي وبيشيلوا الفلاشات
علي طول من الكمبيوتر من غير ما يعملوا لها لا safley remove ولا يحزنون

تشغيل خاصية منع الفلاشة من التلف

وطبعا ممكن تشغل الخاصية دى بكل بساطة عن طريق أنك بتروح لخصائص
الكمبيوتر بتاعك عن طريق كليك يمين علي أيقونة My Computer من
الديسكتوب وتختار Device Manager > بعيدن هتختار رابع أختيار
اللي هوا Disk Drivers وهتففتحه ، وبعدين تختار القرص اللي انت عاوزه
وتدوس عليه وتختار Properties > وبعدين تدخل علي تبويب Policies

وهتلاقي فيها أختيارين قدامك الأول ده اللي هوا Quick Removal
ودا أختيار الإزالة السريعة اللي بيخليك تقدر تشيل الفلاشة بسرعة ومن غير ما تعمل لها إزالة بأمان ولا حاجة ..

والتاني اللي هوا Better Performance وده بيفعَل
الـ write caching اللي قلنا عليه فبيديك أداء أحسن ولكن لو أخترتُه هيبقي
لازم قبل ما تشيل الفلاشة من الجهاز أنك تعمل لها إزالة بأمان ودي من خلال إنك

بتدوس علي أيقونة الفلاشة من جنب الساعة كده وبتدوس علي Eject علشان ينهي
كل عمليات النقل اللي لسه مخلصتش ويبقي كله في السليم قرر أنتا عاوز أنهي خيار
منهم وأختارُه وبعدين دوس Ok وبس يا سيدي عامة لو أستنيت 30 ثانية قبل ما

تشيل الفلاشة الدنيا مش هتُقف يعني ولا الكوكب هيَكُف عن الدوران بس دى حماية
لفلاشتك و اضمن ليك علشان متخسرش البيانات و لا تخسر الفلاشه كلها .

تقدر تقرى كمان مجموعه من المعلومات المفيده من هنا

كيف يتم ضغط الملفات إلى حجم اقل

ما هو VPN

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق